Fjalimi kryesor i fushatës së kandidates demokrate Kamala Harris në Uashington DC mbrëmjen e së martës(29 tetor) rrezikoi “të errësohej” nga deklarata e Presidentit Xho Bajden (Joe Biden).
Ky i fundit denigroi mbështetësit e kandidatit republikan për President Donald Tramp (Trump), duke i konsideruar si “mbeturina”.
Pak pas komenteve të shprehura, Bajden hodhi poshtë pretendimet se ka për qëllim denigrimin e mbështetësve të Tramp, ndërsa sulmoi komedianin që e quajti Porto Rikon një “ishull lundrues mbeturinash” gjatë tubimit të kandidatit republikan.
Duke folur në një ngjarje Zoom me votuesit më herët, Bajden deklaroi për portorikanët se: “Ata janë njerëz të mirë, të denjë dhe të nderuar”. Më pas ai u shfaq duke thënë: “E vetmja mbeturinë që shoh që qarkullon atje janë mbështetësit e tij… e tij, demonizimi i tij i latinëve është i pandërgjegjshëm”.
Fill pas deklaratave të Presidentit Bajden, i menjëhershëm ishte reagimi i Donald Tramp. Ky i fundit, ndërsa u shpreh se “ju lutemi faleni, sepse ai nuk e di se çfarë tha”, akuzoi Kamala Harris për drejtimin e një fushate urrejtje.
“Ajo e ka kaluar gjithë javën duke krahasuar kundërshtarët e saj politikë me vrasësit masive më të këqij në histori. Tani, mbi të gjitha, Joe Biden i quan mbështetësit tanë ‘plehra'”. Ju nuk mund ta udhëhiqni Amerikën nëse nuk e doni popullin amerikan,” deklaroi Tramp.
Pas ndarjes nga jeta të Papa Françeskut Federata Italiane e Futbollit lajmëroi se të gjitha…
Nga zona e Urës Dervishbeg, nga ku është lindur dhe rritur, kandidati i PS për…
Shqipëria ishte vendi i parë që Papa Françesku vizitoi në Europë pasi mori detyrën. Ati…
Komunitetet fetare në vend kanë reaguar pas ndarjes nga jeta të Papa Françeskut, duke vlerësuar…
Politika shqiptare ka reaguar pas ndarjes nga jeta të Papa Françeskut, duke shpërndarë mesazhe përmes…
Deputetja dhe kandidatja e PS në Qarkun e Shkodrës, Edona Bilali, ka vijuar takimet me…
This website uses cookies.
