Pas shtimit të korsive të biçikletave në akset kryesore të qytetit te Shkodres, qytetarët, të cilët janë çdo ditë përdorues te biçikletave janë shprehur të kënaqur, duke theksuar se tashmë ndihen më të sigurtë dhe se lëvizja e tyre është bërë më e lehtë.
Ata vlerësojnë faktin që kanë një hapësirë të dedikuar, duke shmangur trafikun dhe rrezikun e aksidenteve.
Plani i mobilitetit i Bashkisë Shkodër synon krijimin e një rrjeti të sigurt korsish biçikletash, duke përfshirë segmentin Sheshi Ura e Maxharit – Sheshi Rus – Parrucë, i cili lidhet me Xhabijen, Perashin dhe Zdralen.
Sipas sondazheve, 1/3 e banorëve të Shkodrës përdorin biçikletën për lëvizje të përditshme.
Ky investim synon të rrisë sigurinë dhe përdorimin e tyre, sipas praktikave evropiane.
Ndërkohë, plani i mobilitetit ka analizuar në detaje situatën e parkimeve në qytetin e Shkodres, duke rekomanduar zhvendosjen e parkimeve jashtë rrugëve, përmes investimeve publike dhe private.
Është parashikuar një rrjet i mirëmenduar parkimesh nga periferia deri në qendër, duke krijuar hapësira për vizitorët dhe banorët.
Bashkia Shkodër po shqyrton gjithashtu ndërtimin e parkimeve nëntokësore në Zdrale, Rus, Perash dhe qendrën e qytetit, për të reduktuar mbingarkesën e trafikut dhe për të optimizuar hapësirat publike.
Java e fundit e fazës së tretë të kampionatit “Abissnet Superiore” do të zhvillohet të…
Me 76 vota Kuvendi miratoi të enjten dy aktet normative të Këshillit të Ministrave për…
Figurës së heroit tonë kombëtar, Gjergj Kastriotit Skënderbe, i është shtuar edhe një tjetër statujë…
Një ngjarje e rëndë ka ndodhur gjatë orëve të para të pasdites së sotme. Një…
Punimet në rrugët "Todi Germeni" dhe "Udhëtari" në Njësinë Administrative Rrethina janë drejt përmbylljes, duke…
Busti i Lekë Dukagjinit, do të vendoset në një nga sheshet e qytetit të Shkodrës.…
This website uses cookies.