Rama analizë në Shkodër për “Shqipërinë 2030”. 9 panele diskutimi, pjesëmarrës edhe kryebashkiakë të djathtë

Kryeministri Edi Rama ka mbledhur në Shkodër të gjithë qeverinë, drejtuesit politikë dhe krerët e 61 bashkive në vend për të zhvilluar analizën e radhës të qeverisjes dhe diskutimit të prioriteteve të vendit për Shqipërinë 2030.

Takimi ka nisur në orën 10:00 në stadiumin “Loro Boriç” dhe pritet të zgjasë deri në orët e vona të pasdites ku do të përmbyllet me një fjalë të kryeministrit Edi Rama lidhur me objektivat dhe detyrat që do të shpërndajë se ku do të fokusohet secili dikaster.

Gazetarja e RTSH, Denada Shkodrani ka ndarë detaje nga takimi, ku bën të ditur se do të zhvillohen 9 tryeza me tematika të ndryshme me diskutime të ndara me dyer të mbyllura.

Tematikat e 9 paneleve janë të fokusuara te çështjet e mjedisit, arsimit, bujqësisë, sigurisë, financat, çështjet e pronës dhe burimeve njerëzore.

Gazetarja Shkodrani bën të ditur se parashikohet të flitet edhe për ndryshime në institucionet që nuk kanë arritur performancën e duhur si për drejtor në Drejtoritë e ministrive apo në drejtuesit e Drejtorive në bashkitë e vendit.

Pjesë e takimit janë edhe 61-kryebashkiakët, të majtë dhe të djathtë, për një analizë të thelluar të punës së tyre, të cilët kanë marrë një ftesë nga Ministri i Shtetit për Pushtetin Vendor Arbër Mazniku.

Përtej pjesëmarrjes së plotë kryebashkiakëve të majtë, ftesën e kanë pranuar dhe kanë mbërritur në stadiumin “Loro Boriçi” në Shkodër edhe kryebashkiakët e djathtë, Hilë Curri kreu i Bashkisë së Fushë Arrëzit i koalicionit “Bashkë Fitojmë”, Rrok Dodja kreu i bashkisë Pukë, Fisnik Qosja kreu i bashkisë Kavajë, si dhe kreu i bashkisë Mirditë Albert Melyshi.

Diskutimi me kryetarët e bashkive do të ketë pikërisht fokusimin në problematikat e qytetarëve si dhe lidhur me  prioritete kryesore të investimeve në turizëm i cili pritet të jetë edhe sektori më vital për 2024.

Gjithashtu pjesë e takimit janë edhe drejtuesit e disa institucioneve të rëndësishme si Fondi Shqiptar i Zhvillimit dhe Agjencia e Menaxhimit të Territorit.

Këto analiza mendohen se do të jetë periodike deri në zgjedhjet e 2024, që do të shërbejnë për të verifikuar të gjitha problematikat dhe shqetësimet e qytetarëve, por edhe për një raportim të plotë e të detajuar të punës organizative në partinë socialiste.

Kryeministri Edi Rama dhe Partia Socialiste kanë nisur punën në terren për zgjedhjet e ardhshme, ku Rama synon një mandat tjetër.

RTSH Shkodra

Recent Posts

Euroliga në RTSH: Real Madrid fiton në “El Clasico”

Euroliga u rikthye pas dy javësh ndërprerje për shkak të ndeshjeve të ekipeve kombëtare dhe…

4 hours ago

Moti- Dita e sotme me reshje shiu, temperaturat nuk ndryshojnë

Për ditën e sotme (28 shkurt) moti do të vijojë të jetë i paqëndrueshëm me…

4 hours ago

Vota e diasporës, Celibashi: Riaplikoni pa kufizim deri në 4 mars, KQZ do ju asistojë

Komisioneri Shtetëror i Zgjedhjeve, Ilirjan Celibashi informoi të enjten zgjedhësit nga jashtë vendit, të cilëve…

4 hours ago

Abissnet Superiore në RTSH/ Java e fundit e fazës së tretë luhet të shtunën dhe të dielën

Java e fundit e fazës së tretë të kampionatit “Abissnet Superiore” do të zhvillohet të…

17 hours ago

Miratohet vendimi, shtyhet deri më 31 maj vlefshmëria e kartave të identitetit dhe e pasaportave të skaduara

Me 76 vota Kuvendi miratoi të enjten dy aktet normative të Këshillit të Ministrave për…

18 hours ago

Gjergj Kastrioti “rikthehet në shtëpi”, vendoset në Lezhë shtatorja e heroit kombëtar

Figurës së heroit tonë kombëtar, Gjergj Kastriotit Skënderbe, i është shtuar edhe një tjetër statujë…

18 hours ago

This website uses cookies.