Mbi 3 mijë shqiptarë veshën dje kuqezi sallën “The Cooper Box”, në “Queen Elizabeth Olympic Parc” në Londër, në takimin e kryeministrit Edi Rama me shqiptarët e Britanisë së Madhe.
Takimi u organizua në vijim të turit të bashkëbisedimit me diasporën, i cili nisi në 12 maj 2024 dhe deri tani ka vijuar në 4 shtete ku jetojnë dhe punojnë shqiptarët.
Rama ndau sot në rrjetet sociale disa momente nga takimi i djeshëm në Londër, ndërsa shprehu falënderimet për pjesëmarrjen në këtë takim.
“Faleminderit shqiptarëve të Britanisë së Madhe! Më e mira nuk ka ardhur akoma!”, u shpreh kryeministri krahas pamjeve.
Takimi me shqiptarët në Londër vjen pas garantimit për herë të parë të votës për shqiptarët e diasporës.
Ndaj edhe kryeministri Rama kërkoi votën e tyre në zgjedhjet parlamentare të pranverës së ardhshme, siç tha ai “për ta udhëhequr Shqipërinë drejt oborrit të Bashkimit Europian”.
Turin e bashkëbisedimit me diasporën, Kryeministri Rama e ka nisur në 12 maj 2024 nga Athina, Greqi, për të vijuar më pas në 26 maj në Milano, Itali, dy shtetet me numrin më të lartë të emigrantëve shqiptarë.
Në 26 tetor, Kryeministri Rama zhvilloi po ashtu takimin në Nju-Jork me shqiptarët e Amerikës, të cilëve u kërkoi votën në zgjedhjet e ardhshme për të vijuar punën drejt misionit për ta bërë Shqipërinë vend anëtar në BE.
Takimi i kryeministrit Rama në Londër vjen pas atij të Selanikut në 3 nëntor.
Në pritje të 90’ të fundit të takimeve të vlefshme për fazën e parë të…
Këshilli Drejtues i RTSH vendosi të shtyjë seancën për paraqitjen e platformave të kandidatëve për…
Krahas zgjerimit të shërbimeve ambulatore, Poliliklinika e rikonstruktuar tashmë ndihmon edhe vetë Spitalin Rajonal, pasi…
Suksesi i kapitenit të Vllaznisë Bekim Balaj me fitimin e tre trofeve të ceremonisë Gala…
Kjo e enjte ka rikthyer reshjet e dëborës në lartësitë mbi 800 meter në nivelin…
Të rinjtë e Klubi Studentor “Fryma e Natyrës” veprimtarinë e parë ia kushtuan ligatinave, në…
This website uses cookies.