Rama: Lamtumirë At i Shenjtë, mik i madh e i paharrueshëm i Shqipërisë

Kryetari i Partisë Socialiste, Edi Rama shprehu sot ngushëllimet për ndarjen nga jeta të Atit të Shenjtë, Papa Francesku.

Rama ndërpreu takimin që po zhvillonte me gratë e vajzat e Kavajës, teksa mori vesh lajmin e hidhur.

Rama tha se me Papën ka pasur një raport personal dhe shprehu ngushëllimet e tij për humbjen e Atit të Shenjtë.

“Unë kam pasur një raport personal me të, më çonte vazhdimisht mesazh me arqipeshkvin dhe më vjen jashtëzakonisht keq. Ai zgjodhi ta vizitojë Shqipërinë të parin vend jashtë Vatikanit, pasi u bë Papë. Në Shqipëri kaloi ditë që e konsideroi të paharrueshme. Tha që Shqipëria kishte vëllazëri fetare., Ishte Papë ndryshe nga të tjerët, kam mirëkuptimin tuaj ta nderojmë me një minutë heshtje”, theksoi ai.