kombetarja
Ndryshimet e miratuara në ligjin “Për shtetësinë” nga Kuvendi i Shqipërisë, u krijojnë mundësinë talenteve të sportit që kanë lindur e jetojnë jashtë Shqipërisë, që të pajisen me pasaportën shqiptare edhe kur nuk kanë mbushur moshën 18 vjeç.
Kryeministri Edi Rama solli sot në vëmendje këto ndryshime në ligj të propozuara nga qeveria.
Projektligji “Për disa shtesa dhe ndryshime në ligjin “Për shtetësinë” u miratua mbrëmë në Kuvend me 95 vota pro dhe 1 kundër.
Edhe më herët, Federata Shqiptare e Futbollit kishte kërkuar ndërhyrjen në ligj për të mundësuar marrjen e pasaportave për sportistët e rinj.
Gjithashtu përmes amendimeve të tjera, përjashtohen nga testimi i njohurive të gjuhës shqipe dhe historisë së Shqipërisë, aplikantët për shtetësi me natyralizim, të cilët vijnë nga shtetet ku gjuha shqipe është gjuhë zyrtare.
Një tjetër ndryshim ka të bëjë me shtetasit me status refugjati që e kanë të vështirë të nxjerrin vërtetime nga vendi i tyre për shkak të rrethanave ku ndodhen dhe kërkojnë të fitojnë të drejtën për t’u pajisur me pasaportë shqiptare.
Pas përfundimit të ndeshjeve të grupeve të UEFA Nations League, janë ndarë vazot për shortin…
“Libra të një kohe tjetër” është ekspozita me karakter historik, organizuar nga Biblioteka “Marin Barleti”…
Sekretari i Përgjithshëm i Partisë së Lirisë, Tedi Blushi, ka zhvilluar një takim me strukturat…
Xhubleta, kjo veshje që dikur shtrihej në pellgun e Mesdheut, sot ndodhet e ruajtur dhe…
Qendra muzeore “Ndre Mjeda” në bashkëpunim me Fakultetin e Shkencave Shoqërore të UNISHK, Bashkinë Vau-Dejës…
Mungesa e energjisë elektrike në fshatrat e njësisë administrative të Dajçit në bashkinë e Shkodrës…
This website uses cookies.