Rama mbledh drejtuesit e qarqeve dhe kryebashkiakët socialistë. Në fokus zgjedhjet e 2025
Kryeministri Edi Rama ka mbledhur drejtuesi politikë të qarqeve dhe kryebashkiakët socialistë, në një takim ku duket se fokusi do të jetë pikërisht zgjedhjet e ardhshme parlamentare të 2025.
Mbledhja ka nisur prej orës 14.00 në Pallatin e Kongreseve në Tiranë dhe po zhvillohet me dyer të mbyllura.
Ky është takimi i parë që Rama zhvillon me drejtuesit politikë të qarqeve pas zgjedhjes së tyre në Asamblenë e PS-së.
Pritet që Rama t’u jap porosi lidhur me komunikimin me qytetarët, angazhimin e tyre në terren dhe lënin e porosive për zgjedhjet e 2025.
Socialistet kërkojnë një mandat të katër qeverisës, ndërsa më herët kryeministri Rama ka bërë të ditur se çdo kandidat për deputet duhet të tregojë përkushtimin e tij për t’u bërë pjesë e listës.
