Rama ndan lajmin: 5 mijë vende pune në Platformën Kombëtare të Punësimit
Kryeministri Edi Rama me anë të një video të publikuar në rrjetin social Facebook ka ndarë lajmin për hapjen e 5 mijë vendeve të punës në Platformën Kombëtare të Punësimit.
Me anë të videos ilustruese, kreu i qeverisë orienton qytetarët për aplikim në platformën online www.puna.gov.al, ku do të gjejnë punën apo profesionin që kërkojnë; mund të marrin një profesion të ri apo zgjerojnë aftësitë e tyre; të regjistrohen për kurs formimi profesional.
Rama thekson se qytetarët mund të aplikojnë online brenda dhe jashtë Shqipërisë.
