Kryeministri Edi Rama ka deklaruar në mbledhjen e Asamblesë së Partisë Socialiste se qeveria do të rrisë pensionet ndërsa do të trajtojë njësoj si hajdutët e energjisë elektrike të gjithë ata që nuk u paguajnë punonjësve sigurimet shoqërore.
Rama tha se qeveria po punon për një plan kombëtar mbi sigurimet shoqërore dhe ky plan sipas kryeministrit do të synojë përfshirjen e pensionistëve në ndarjen e të ardhurave të rritjes ekonomike.
“Javën e dytë të shtatorit do të nisim jo vetëm të ndajmë me pensionistët një pasqyrë të të dhënave dhe ideve tona për rritjen e pensioneve në rrugën e Shqipërisë 2030, por do të fillojmë edhe të informimin për zbatimin e një plani kombëtar për zbatimin e sigurimeve shoqërore. Ky plan për të cilin po punohet prej muajsh nga një grup ekspertësh nën drejtimin e Ministrisë së Ekonomisë, Kulturës dhe Inovacionit do të synojë pikërisht përfshirjen e pensionistëve në ndarjen e të ardhurave të rritjes ekonomike”, u shpreh Rama.
Kreu i qeverisë shpjegoi më tej se kush abuzon me të drejtën e punonjësve për sigurimet shoqëore do të trajtohet njësoj si hajdutët e energjisë elektrike.
“Që sot mund të them se rritja e të ardhurave nga shteti për pensionistët nuk mund të jetë domethënëse nëse nuk i japim goditje fenomenit të neveritshëm të fshehjes së pagave reale të cilat për pasojë godasin në mënyrë të drejtpërdrejtë të ardhurat për sigurimet shoqërore dhe vjedhin çka u takon pensionistëve.
E thënë me fjalë të tjera, ne do të bëjmë me kuotat e sigurimeve shoqërore, atë që bëmë me faturat e energjisë elektrike. Ata që nuk u paguajnë sigurimet shoqërore sipas pagës së tyre reale do t’i trajtojmë njësoj si hajdutët e energjisë elektrike”, deklaroi më tej kryeministri Rama.
Ashtu si një mini-Saturn, rreth 466 milionë vjet më parë Toka ka të ngjarë të…
Shqipëria ka shënuar një vit rekord sa i përket numrit të turistëve. Kështu e nis…
Diva e madhe, ikona e vërtetë e kinemasë italiane, lindi më 20 shtator 1934 në…
Në të kaluarën, nuk ishte e pazakontë që ndërtesave ti duheshin shumë dekada për t'u…
Ministrja e Shtetit për Administratën Publike dhe Antikorrupsionin, Adea Pirdeni deklaroi të enjten se, ngritja…
Në kalendarin e Organizatës së Kombeve të Bashkuara, 20 shtatori është Dita Botërore e Pastrimit,…
This website uses cookies.