Rama: Shqipëria nuk mbështet deklaratën e Borrell për Dialogun Kosovë-Serbi

Kryeministri shqiptar Edi Rama ka deklaruar se Shqipëria nuk mbështet Deklaratën e Përfaqësuesit të Lartë në emër të Bashkimit Evropian, Xhozef Borel (Josep Borrell) në lidhje me Dialogun Kosovë-Serbi, të datës 19 shtator 2023.

“Për herë të parë ne nuk linjezohemi me politikën e jashtme të BE, të pakten në 10  vitet e fundit sa i takon deklarates së Borrell per dialogun Kosovë – Serbi”, tha zoti Rama gjatë një konference për shtyp në Romë sëbashku me Zëvendëskryeministri dhe ministri i Punëve të Jashtme dhe Bashkëpunimit Ndërkombëtar, Antonio Tajani.

“Linja jonë është në mbështetje të Kosovës, pasi është e papranueshme dhe e dënueshme që Serbia shpalli ditë zie për vrasjen e atyre që sulmuan policinë e Kosovës“, tha zoti Rama në përgjigje të pyetjes së gazetares së RTSH Denada Shkodrani.

Zoti Rama ndodhet në Romë në kuadër të takimit të dytë në nivel politik të Komitetit të Përbashkët Ekonomik Itali-Shqipëri.