Rama takim me diasporën në Athinë: Sot fati ynë është në dorën tonë. Me votat tuaja duam të vrapojmë në BE!

Kryeministri Edi Rama ndodhet sot në Athinë, për të takuar shqiptarët e Greqisë.

Në fillim të fjalës së tij, Rama uroi festën e Fiter Bajramit për të gjithë besimtarët.

Më tej ai falënderoi të gjithë emigrantët që ishin të pranishëm në takim dhe sikurse u shpreh, zhvillimi i këtij takimi në këtë sallë do i shërbej qëllimit për të pasur jo thjesht një fjalim politik por një bashkëbisedim me gjithë të pranishmit, duke iu përgjigjur pyetjeve.

“Arsyeja pse zgjodhëm   këtë sallë është që jo vetëm të mbaj një fjalim dhe të iki por ti përgjigjem dhe pyetjeve tuaja. Ju jap fjalën që jo vetëm do të vi pas zgjedhjeve, por pas zgjedhjeve do vijmë të bëjmë festë falënderimesh për të gjithë ju dhe për tu thënë që ne nuk i deshëm votat tuaja për të marr 4 vite më shumë në karrige por me votat tuaja duam të vrapojmë së bashku për të realizuar ëndrrën shekullore të shqiptarëve që të jenë pjesë e Evropës dhe evropian të barabartë me evropianët. Më vjen shumë mirë kur dëgjoj mes jush pyetjen që i bëni njëri tjetrit apo dhe vetë vetes suaj që a duhet të ktheheni apo jo? Qoftë dhe pyetja që ju i drejtoni vetes është një tregues inkurajuese. Ashtu sikurse më pëlqeu shprehja e një taksisti shqiptar që më tha” kur erdhëm ishim 100 shkallë më poshtë sesa këta , sot jemi vetëm një afër tyre”.

Ne jemi këtu sot së bashku  pikërisht për ta ngjitur dhe shkallën e fundit dhe të bëhemi njësh këtu me këta dhe me vendet e tjera të BE-së duke qenë pjesë e njëjtë familje.

E ardhmja nuk është me aq e largët sa dukej dikur, ëndrra dhe shpresat nuk janë më aq të paarritshme saqë ishin më parë. Ndryshe nga vendi që ne gjetëm kur morëm detyrën, sot Shqipëria është një vend që e ka në dorën e vetë fatin e vetë. Nuk është në mëshirën e askujt dhe nuk është në mëshirën e asnjë loje tjetër të fatit.

“Sot fati ynë është në dorën tonë”.

Kur ne morëm detyrën Shqipëria ishte e zhytur në borxhe.

Kur ne morëm detyrën Shqipëria ishte e zhytur në borxhe. Shqipëria kishte një borxh rreth në 80% dhe ndërkohë të gjithë punët ishin ndalur, të gjitha shërbimet kishin ndalur.  Spitalet nuk kishin as furnizim me ilaçe sepse furnitorët ishin ndalur për shkak të borxheve që qeveria nuk iu paguante më. Të gjitha planet e Shqipërisë së rrugëve, kishin mbetur rrugëve.  Ishin prerë shiritat por nuk ishin vendosur në dispozicion paratë.  Kompanitë e rrugëve ishin ndalur sepse qeveria nuk kishte paguar detyrimet dhe ata rrezikonin falimentimin.

Sot u shpreh Rama, Shqipëria e ka vënë plotësisht në kontroll borxhin.

“ Me një borxh rreth 55% renditet në normalitetin e një vendi evropian. Kur ne e morëm detyrën bankat ishin zhytur ne kredi të këqija. 25% e kredive të këqija është një shifër alarmante, është dritë e kuqe që paralajmëron rrezik të madh që e kemi jetuar në lëkurën tonë çfarë do të thotë kjo gjë.  Ndërsa sot kreditë e këqija janë nën 5% njollojë siç janë në çdo vend tjetër dhe Shqipëria nuk ka asnjë rrezik.   Kur morëm detyrën të ardhurat për frymë ishin 3200 euro, sot janë mbi 10 mijë euro dhe në Shqipërinë e 2030 do të jenë 15 mijë euro. Paga mesatare në ato kohë ishte 320 euro, sot është 830 euro dhe në mandatin e katërt do ta çojmë 1 mijë euro”, tha mes të tjerash Rama.

Më tej Rama u shpreh se, “Kur hyni aty për të mësuar se çfarë po bëhet në Shqipëri, ndër shumë përqeshjet, është edhe përqeshja se kur morëm detyrën premtuam 300 mijë vende pune dhe kjo nuk ndodhi. Mjafton të shohësh regjistrat e shtetit, aty ku në fakt të punësuarit janë të regjistruar me emër dhe mbiemër. Aty ishin 1 milionë e 23 mijë shqiptarë që figuronin të punësuar, ndërkohë në regjistrin e pagave sot janë 1 milionë e 327 mijë. Ne e dimë të gjithë që këneta ka probleme të rënda me aritmetikën, por unë besoj se aritmetika thotë se mes 1 milionë e 23 mijë dhe 1 milionë e 327 mijë janë pak më shumë se 300 mijë diferencë që janë sot të punësuarit në Shqipëri”

Duke iu drejtuar të pranishmëve që ishin në takim, Rama tha se duke bërë këtë zgjedhje ju shpëtuat veten dhe familjen tuaj, ju shtuat fuqitë e Shqipërisë që të ngrihet më shpejtë. Nëse doni të dini se për çfarë ka nevojë Shqipëria në 11 Maj, të bëni historikun e thjesht të familjes tuaj. Të kujtoni dhe të merrni pak minuta për kapitujt e jetës këtu, qoftë ata që ishin të vegjël kur erdhën këtu, të gjithë kanë parë momente të rrugës, poshtërimet kanë qenë të patregueshme, edhe për të ardhur në ditën që fqinjëve tuaj rreth e rrotull juve tu thoni mirëmëngjesi”.

Kryeministri Edi Rama iu tha emigrantëve se me pasaportën e BE, do të ulen në çdo tryezë të Evropës përgjithmonë si shqiponja.

“Sot ju i duheni vendit në 11 Maj për të vënë vulën mbi gjithë këtë proces që ne së bashku kemi ndërmarrë me shumë seriozitet. Është detyrim i çdo prindi që t’i japë fëmijëve pasaportën europiane dhe t’i thotë mësoje gjuhën,  kulturën greke, mësoje gjuhën italiane, mësoji të gjitha gjuhët e europës por nuk ke nevojë të ndryshosh atë që je dhe që e ke të shkruar në pasaportën tënde shqiptar, sepse me këtë pasaportë që unë jot ëmë,  yt  atë të bëra të mundur duke u bashkuar me PS më 11 maj të 2025 ti ke mundësi të shkosh në çdo vend të Evropës dhe të respektohesh si evropian i barabartë mes evropianëve, sepse kur unë..ne prindërit u detyruam të bëjmë punë që ti bijë, bir as nuk mund t’i imagjinosh sot…Nuk ke nevojë që shqiponjën në flamurin e kuq ta harroni, apo aq më keq ta ndërroni. Ju do jeni gjithmonë shqiponja. Me pasaportën evropiane të shqiptarëve, ju do të uleni në çdo tryezë të Evropës përgjithmonë si shqiponja. Ashtu sikundër në të gjitha tryezat ku mblidhet Evropa, përfaqësuesit e shteteve janë poshtë dhe lartë nëpër ballkon janë përkthyesit e të gjitha gjuhëve, ashtu do të jetë edhe përkthyesi i shqipes, kur përfaqësuesi i Shqipërisë të flasë shqip dhe të tjerët të vënë kufjet për të dëgjuar. Tani ky është momenti, sepse sot për herë të parë, që kur kemi filluar këtë rrugëtim, Shqipëria ka filluar rrugëtimin kolektiv, ju keni bërë këtu përpjekjet për t’u integruar, Shqipëria i ka bërë përpjekjet për t’u integruar në botën e madhe. Për herë të parë BE nuk është vetëm në pozitën që një ditë do të jemi bashkë, por sot thotë jemi gati që brenda 2027 të mbyllim marrëveshjen me ju dhe brenda kësaj dekade të jemi bashkë. Kjo ka ardhur si pasojë e atyre që kemi bërë ne, e këmbënguljes tonë, që na shikonin në rastin më të mirë me keqardhje, në rastin e zakonshëm me bezdi dhe në të keqin me përçmim, në një situatë kur na shikojnë me respekt dhe besim. Por kjo ka ardhur edhe si rezultat ku është sot Evropa. Për këtë arsye nuk jemi vetëm ne që duam të hyjmë në BE, por edhe BE ka hapur një derë dhe thotë ejani hynë një orë e më parë”, tha Rama.

Kryeministri Edi Rama u shpreh se më 11 maj pret mbështetje masive nga shqiptarët në Greqi.

“Kam besim që nga Greqia do të na vijë një mbështetje shumë e madhe. Do ju lutesha ta ndiqnit procesin me shumë vëmendje. Jo në Greqi, po në hënë të na çosh ne shqiptarëve, do i lëmë punët për orën e fundit. Mos e lini për orën e fundit të shënoni te kutia 5 një shenjë që jeni për BE dhe ta çoni e ta hidhni në postë, që kur ti dorëzoni pasaportën euro fëmijëve tuaj ti thoni merreni këtë ta bëri dhe këtë nëna e babai tani ik se s’kemi ç’bëjmë ne për ty. Megjithëse ata unë se di çdo bëjnë për ne”.