Rama–Zelensky firmosin marrëveshjen e rëndësishme në fushën e sigurisë
Kryeministri Edi Rama dhe Presidenti i Ukrainës, Volodymir Zelensky kanë nënshkruar një marrëveshje në fushën e sigurisë. Lajmi u bë me dije nga kryeministri Rama përmes një postimi në Facebook, ndërsa marrëveshja u firmos në Davos, ku të dy liderët po marrin pjesë në punimet e Forumit Ekonomik Botëror.
“Me Presidentin e Ukrainës, Volodymir Zelensky, nënshkruam një marrëveshje të rëndësishme në fushën e sigurisë”, shkruan Rama.
Kreu i qeverisë shqiptare zhvilloi sot (21 janar) një takim në Davos edhe me përfaqësuesen e platformës sociale TikTok, Christine Grahn, me të cilën tha se ndau shqetësimet që çuan qeverinë për vendimin për mbylljen e përkohshme të kësaj platforme në Shqipëri.
