“Ramazani, muaji i ripërtëritjes shpirtërore” – Veprimtari fetare në prag të muajit të shenjtë të besimtarëve myslimanë

Në prag të muajit të shenjtë të Ramazanit, Myftinia e Shkodrës ka organizuar një veprimtari fetare dedikuar grave dhe vajzave myslimane.

 Aktiviteti ishte në kuadër te  krijmit të një atmosferë të ngrohtë dhe frymëzuese për të gjithë besimtarët, veçanërisht për ato që përjetojnë agjërimin për herë të parë.

Në tri ligjëratat e mbajtura  u fol mbi rëndësinë e ripërtëritjes shpirtërore që sjell muaji i Ramazanit, për ndikimin e agjërimit në shëndetin fizik dhe mendor, si dhe mënyrën se si besimtarët mund të përjetojnë këtë muaj të bekuar, duke ndërthurur traditën me dinamikat e reja të kohës.

E titulluar “Ramazani, muaji i ripërtëritjes shpirtërore”, veprimtaria u shoqërua me lexim Kuranor, ilahi dhe poezi të interpretuara nga nxënëset e Medresesë “Haxhi Sheh Shamia” të Shkodrës.