“Ramë Lahaj & Friends”/Tenori me famë botërore në Shkodër më 8 qershor

Tenori shqiptar nga Kosova me famë botërore Ramë Lahaj po vjen në Shkodër.”Ramë Lahaj & Friends” do të përformojnë për publikun shkodran dhe jo vetëm me 8 qershor, në koncertin e parë të plotë të tij në Shqipëri.Tenori Ramë Lahaj, i cili është ngjitur në disa prej skenave më prestigjioze të botës, ka zgjedhur jo rastësisht Shkodrën për koncertin e tij, si një qytet që e dashuron kulturën dhe muzikën në të gjitha format e saj.Lahaj konsiderohet si një ndër artistët e parë kosovarë të operës, i cili ka interpretuar në teatrot më të mirënjohur të botës, duke ndarë skenën me legjenda të operës si Placido Domingo, i cili më vonë e nderoi atë me çmimin e Konkursit Botëror të Operës “Operalia”Ndonëse karriera e tij zhvillohet jashtë kufijve shqiptarë, artisti nga Kosova nuk harron rrënjët e tij, duke interpretuar edhe për publikun e shqiptarisë.Detaje të tjera do të bëhen të ditura në ditët në vijim, për koncertin e tenorit të suksesshëm Ramë Lahaj, të cilin Shkodra do të ketë fatin ta shijojë me 8 qershor me të gjithë repertorin e tij.