Raporti i Bankës Botërore zbulon rrezikun e afërt të urisë katastrofike në Rripin e Gazës

Raporti i Bankës Botërore ka zbuluar rrezikun e afërt të urisë katastrofike në Rripin e Gazës. Në raport thuhet se gjysma e popullsisë së Rripit të Gazës është në rrezik të menjëhershëm nga uria pasi mungesa e ushqimit i afrohet niveleve katastrofike për më shumë se një milion njerëz.

Pothuajse gjashtë muaj pas fillimit të luftës midis Izraelit dhe Hamasit, Banka me bazë në Uashington, tha se nevojiteshin veprime urgjente për të parandaluar vdekjet e përhapura nga uria brenda dy muajve të ardhshëm.

Të dhënat e reja nga Banka erdhën pasi Sekretari i Përgjithshëm i OKB-së, Antonio Guterres, i bëri thirrje Izraelit që t’i jepte qasje të menjëhershme dhe të pakushtëzuar Gazës për ndihmë nëpërmjet tokës.

“Nga popullsia e Gazës prej 2.3 milionë banorësh, kishte 1.1 milionë në kategorinë e rrezikut më të lartë – njerëzit në katastrofë – që nënkuptonte rrezikun e kequshqyerjes akut ose vdekjes. 854,000 të tjerë (38%) ishin në kategorinë tjetër poshtë – njerëzit në urgjencë – ku nevojiteshin veprime të menjëhershme për të shpëtuar jetë. Pjesa e mbetur prej 12% ishin në kategorinë e tretë: njerëzit në krizë. Askush në Gaza nuk u vendos në dy kategoritë e fundit – njerëz të stresuar ose njerëz në sigurinë ushqimore. Anketat e familjeve zbulojnë tendenca alarmante, me pothuajse të gjitha familjet që anashkalojnë vaktet çdo ditë dhe një pjesë e konsiderueshme e fëmijëve nën dy vjeç vuajnë nga kequshqyerja akut”, thuhet në raport.

Banka Botërore tha se uria e parashikuar mund të ndodhë në çdo kohë nga tani deri në fund të majit dhe kushtet po përkeqësohen nga një sërë faktorësh duke përfshirë armiqësitë e pamëshirshme, dëmtimin e gjerë në infrastrukturë dhe aksesin e kufizuar humanitar , duke penguar ofrimin e furnizimeve dhe shërbimeve thelbësore.

Duke përmendur numrin e madh të njerëzve që përballen me urinë katastrofike, Guterres tha se udhëheqësit duhet të “veprojnë tani përpara se të ishte tepër vonë”. Ai gjithashtu rinovoi thirrjet për Hamasin që të lirojë pa kushte të gjithë pengjet izraelitë.

Guterres do t’u drejtohet liderëve të BE-së në një samit të enjten, ku do t’u kërkohet të miratojnë përfundime që kërkojnë që Izraeli të shmangë urinë. Me një gjuhë të ngurtësuar, draft-deklarata e fundit tani thotë se “qasja e plotë, e shpejtë, e sigurt dhe e papenguar humanitare” në Gaza duhet t’i jepet “për t’i ofruar popullatës civile ndihmë për shpëtimin e jetës dhe shërbime bazë në shkallë”.