Deputeti i opozitës Gazment Bardhi, ka reaguar të mërkurën lidhur me raportin e KE-së për Shqipërinë. Sipas tij, skaneri i Komisionit Evropian e nxjerr Shqipërinë, si “vendin me sëmundje të rënda të demokracisë”.
Nëpërmjet një postimi në rrjetin e tij social Facebook, Bardhi thekson se “vlerësimi i KE-së për situatën alarmante të korrupsionit dhe krimit të organizuar, e nxjerr Shqipërinë poshtë mesatares”.
“Shqipëria nuk plotëson asnjë standard evropian politik, ekonomik dhe social. Skaneri i Komisionit Evropian e nxjerr Shqipërinë e drejtuar nga Edi Rama si vendin me sëmundje të rënda të demokracisë.”, shkruan Bardhi.
Sipas tij, raporti konfirmon shqetësimet e drejta të opozitës për mungesën e lirisë në Parlament, për kufizimin e së drejtës kushtetuese për ngritjen e komisioneve hetimore, për përjashtimet arbitrare të deputetëve, për mungesën e përparimit në reformën zgjedhore.
“Komisioni Evropian vendos gishtin në plagë, kur vlerëson situatën alarmante të korrupsionit dhe krimit të organizuar. Niveli i Shqipërisë renditet nga Komisioni Evropian poshtë mesatares në të dyja këto fusha jetike, sepse qeveria e Edi Ramës nuk ka në axhendë luftën serioze kundër krimit dhe korrupsionit. Përmes tyre, Edi Rama ble zgjedhjet dhe zgjat pushtetin e tij, që po rrënon çdo ditë shqiptarët.”, thekson Bardhi.
Ai e sheh të drejtë shqetësimin e Komisionit Evropian për gjendjen e opozitës, prandaj është detyrim për opozitën, sipas tij, “që të shndërrohemi në një alternativë të besueshme qeverisëse, duke filluar më së pari në bërjen funksionale të opozitës sa më shpejt”.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.