Reagon Biden dhe Scholz pas thirrjeve të Izraelit për zhvendosje të popullatës nga Rafah

Izraeli u ka thënë dhjetëra mijëra palestinezëve të tjerë që të largohen nga Rafah, pasi ai intensifikon operacionet ushtarake në Gazën jugore.

Letrat e  lëshuara nga ajri dhe postimet në mediat sociale u thanë banorëve në rrethet lindore të qytetit të shkonin në al-Mawasi – një zonë e ngushtë bregdetare të cilën Izraeli e quan një “zonë e zgjeruar humanitare”. Kjo ka bërë që presidenti amerikan, Joe Biden, të paralajmërojë se SHBA-ja do të ndalojë furnizimin e Izraelit me armë nëse ai vazhdon ta sulmojë Rafahun.

Kancelari gjerman Olaf Scholz theksoi në deklaratat e tij se një sulm tokësor izraelit në Rafah do të çonte në viktima masive civile. “Ne paralajmërojmë se një sulm ndaj Rafahut do të ishte i papërgjegjshmëri,” tha Solz në një takim online të organizuar nga grupi i gazetave gjermane RND.

“Ne nuk besojmë se ka ndonjë qasje që përfundimisht nuk do të çonte në një humbje të jashtëzakonshme të jetës njerëzore të civilëve të pafajshëm,” tha Scholz, duke shtuar se ai i tha këtë kryeministrit izraelit Benjamin Netanyahu.

Izraeli nisi një fushatë ushtarake në Gaza për të shkatërruar Hamasin në përgjigje të sulmit të grupit në Izraelin jugor më 7 tetor, gjatë të cilit u vranë rreth 1200 njerëz dhe 252 të tjerë u morën peng, sipas autoriteteve izraelite. Rreth 35 mije  persona  janë vrarë në Gaza që atëherë, sipas ministrisë së shëndetësisë të territorit të Hamasit.