Real Sociedad godet Benfikën dhe vendos njërën këmbë në 16-she

Gjithçka e lehtë për Real Sociedad, që kalon me një këmbë në raundin e 16-shes të Ligës së Kampionëve duke mposhtur Benfikën 3-1 në ditën e katërt të ndeshjeve në grupe. Fillim i shkëlqyer për spanjollët, të cilët pas vetëm gjashtë minutash kaluan në avantazh: asistimi nga Munoz dhe 1-0 nga Merino. Pesë minuta më vonë skuadra vendase dyfishoi epërsinë, me penalltinë e kthyer në gol nga Oyarzabal.

Pak para çerek orës së lojës, Merino shënoi edhe dopietën personale, por goli i dytë i mesfushorit u anullua. Gjithsesi gjërat nuk ndryshojnë, sepse në minutën e 21-të vjen edhe 3-0, i shënuar nga Barrenetxea, i inspiruar pikërisht nga Merino. Brais

Mendez humbi penalltinë e pokerit para përfundimit të pjesës së parë, e cila gjithsesi u mbyll me tre gola diferencë. Në minutat e para të pjesës së dytë Benfica mbylli diferencën me Rafa Silva. Portugezët sulmuan vazhdimisht në përpjekje për të rihapur lojën, por nuk ia dolën.

Real Sociedad fiton 3-1 dhe ngjitet në 10 pikë në grupin D, një hap larg kualifikimit. Benfica shënoi golin e parë në këtë Ligë të Kampionëve, por ka ngecur në mënyrë sensacionale në zero pikë.