Reali mund Villarrealin, por… humbet Dani Carvajal

Sukses për Real Madridin që mbyll futbollin spanjoll të shtunën: 2-0 kundër Villarrealit, gol në çdo pjesë: Valverde dhe Vinicius Junior. Me këtë sukses, skuadra e Carlo Ancelottit kalon përkohësisht në epërsi ndaj Barcelonës, me katalanasit që të dielën në mbrëmje luajnë kundër Alavés-it.

Fitore e “njollosur” për fat të keq nga një dëmtim i rëndë i pësuar nga Dani Carvajal. Duke u nisur nga dinamika dhe dëshpërimi i mbrojtësit spanjoll, i cili doli mes dhimbjeve dhe lotëve, ekziston frika për më të keqen.

Kylian Mbappé luajti 71 minuta. Edhe pse francezi u la i lirë nga trajneri i Francës, Didier Deschamps, për arsye fizike. Ditët e fundit përzgjedhësi e kishte motivuar kështu zgjedhjen: “Kam folur me Kylian dhe duke pasur parasysh situatën e tij, e cila është ende e pasigurt, i kemi bërë vetes disa pyetje. Ai ka një problem jo serioz, por ka nevojë për trajtim për t’u rikuperuar mirë. Nuk dua të nxitoj, kjo është arsyeja pse Kylian nuk do të jetë”.

Zgjedhja e Carlo Ancelottit për ta thirrur për këtë ndeshje ka befasuar, aktivizimi nga minuta e parë mund të krijojë incidente diplomatike.