Realizimi i projekteve për 2024 – Marinaj: Malësia e Madhe ka ndryshuar, kemi investuar në shumë fusha
Viti 2024 ishte një vit i realizimit të shumë projekteve të rëndësishme në infrastrukturë për Bashkinë Malësi e Madhe.
Kryebashkiaku Tonin Marinaj thotë se janë rikonstruktuar 2 shkolla si dhe është përmirësuar infrastruktura rrugore, ku shumë rrugë janë rikonstruktuar dhe të tjera që janë në proces.
Përveç arsimit dhe infrastrukturës rrugore, një punë e mire, sipas kreut të Bashkisë Malësi e Madhe, është bërë edhe me menaxhimin e mbetjeve, megjithatë ka shumë punë për t’u bërë, thekson Marinaj.
Marinaj deklaroi se do vijojë puna për projektin e hyrje-daljes në Koplik si dhe investimi për ndërtimin e rrugës në “Syrin e Sheganit”.
