Hristijan Mickoski, i mandatuari për të formuar qeverinë e re në Maqedoninë e Veriut, ka paralajmëruar një reformë në drejtësi, pasi “ka humbur kredibiliteti” në të.
Lideri i VMRO-DPMNE-së, partia që fitoi zgjedhjet parlamentare muajin e kaluar, tha të enjten se do të shpërndaje Këshillin Gjyqësor dhe të Prokurorëve po të marrë ekzekutivin.
“Ne morëm gjysmë milion vota dhe shpallëm front dhe luftë kundër krimit dhe korrupsionit. Një prej masave ishte ajo që publikisht e kemi folur,” tha z. Mickoski.
Këshilli Gjyqësor dhe i Prokurorëve janë trupa të sistemit maqedonas të drejtësisë, për të cilat ekspertët kanë bërë një sërë rekomandimesh, nga ngritja e nivelit të llogaridhënies te transparenca.
Përveçse akuzohen për politizim, Mickoski kritikoi edhe ministrin në ikje të Drejtësisë, Krenar Lloga, i cili është shprehur qartë kundër shpërbërjes së tyre.
“Është fakt se tek kjo fitore e madhe e VMRO-DPMNE-së mungon vetëm Nikolla Gruevski, sepse të gjithë personat e tjerë janë e njëjta garniturë,” deklaroi ai në një emision televiziv. /Alsat, Shenja
Raportuesi për Kosovën në Parlamentin Evropian, Riho Terras, përgatiti draft-raportin vjetor për situatën në Kosovë…
Juventusi është gati të përballet me PSV-në me synimin për të mbrojtur epërsinë 2-1 nga…
Trajneri i Realit, Carlo Ancelotti, në prag të ndeshjes së dytë të play-off-it të Ligës…
"Stadiumi ka ndryshuar shumë, sepse isha mësuar shumë me atë të vjetrin. Nuk ndjeva asgjë…
Komisioni i Ligave dhe Garave ka zyrtarizuar kalendarin e ndeshjeve për kampionatin “Abissnet Superiore”, nga…
Bekim Balaj do të jetë futbollist i Vllaznisë të paktën edhe për dy sezone të…
This website uses cookies.