Kuvendi rrëzoi të mërkurën me 69 vota kundër dhe 29 pro kërkesën e opozitës për interpelancë me kreun e qeverisë, Edi Rama.
Kërkesa ishte bërë nga kryedemokrati Sali Berisha, emri i të cilit u bë sërish shkak për tensione në sallën e parlamentit.
Nënkryetarja e Kuvendit, Ermonela Felaj, kujtoi deputetët demokratë për vendimin e gjykatës, që ia ndalon atij pjesëmarrjen në jetën parlamentare.
“Nuk ia ka dhënë gjykata të drejtën zotërisë në fjalë. Nuk vendos kuvendi dhe nuk vendosni as ju,” u përgjigj znj. Felaj.
Reagimi erdhi pasi deputetja e PD-së, Albana Vokshi, bëri thirrje që të merrej parasysh kërkesa e Berishës.
“Është e turpshme kjo. E ka kërkuar Sali Berisha dhe ju nuk i përmendni as emrin. Emri i Sali Berishës ju tmerron. Kush është ai vendim gjykate që ia ndalon të ushtrojë të drejtën e deputetit?” replikoi znj. Vokshi.
Sipas demokrates, interpelanca po u mohohet atyre “pasi qeveria është vënë në shërbim të familjes kryeministrore”.
“Nuk e pranoj thotë Nikolla, se kjo interpelancë cenon privatësinë e familjes kryeministrore. Por, a keni cenuar jetët e mijëra qytetarëve me lejet e ndërtimit të dhëna thjeshtrës së kryeministrit, që po mbyt qytetarët, po me tenderat e Beqajt dhe Frangut, a nuk po cenoni jetën e mijëra pacientëve? Ky parlament po kthehet në noter për të mbrojtur vjedhjen,” deklaroi znj. Vokshi.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.