Rehabilitimi i merkatës së Rusit  – Kryetari i Bashkisë inspekton punimet, i kënaqur me ecurinë

Kryetari  i Bashkisë Shkodër, Benet Beci, ka inspektuar punimet që po bëhen në tregun e Rusit, për të cilat po punohet  me ritme të larta në mënyrë që të  përfundohet  sa më shpejt dhe tregtarët të kthehen në këtë treg, tashmë me kushte optimale.  Ai u shpreh i kënaqur me ecurinë e derimëtanishme të punimeve për këtë investim të rëndësishëm për Shkodrën.

Ky investim kap shifrën e 36.6 milion  lekëve, nga të cilat 7.5 milion lekë janë bashkëfinancim i Bashkisë me AZHBR. Ky reabilitim i merkatës Rus, do të shërbejë për të përmirësuar kushtet për tregtarët dhe blerësit, duke ju krijuar një  ambient funksional, higjenik dhe duke siguruar mbrojten nga faktorët  atmosferik. Me anë të këtij projekti do të bëhet e mundur, ndërhyrja në sistemimin e sheshit, ndërtimin e mbulesës së merkatës, ndriçimin e tregut, përmirësimin e kushteve të tregtimit  dhe ruajtjen  e produkteve.