Rehabilitimi i zonës së ish- Fermentimit – Projekti parashikon sistemimin e plotë të 3.2 km rrugë të kësaj zone periferike të Shkodrës
Po avancon me ritme të shpejta zbatimi i projektit për rikonstriksionin e infrastrukturës rrugore në zonën e ish-Fermentimit në qytetin e Shkodrës.
Puna për sistemimin e plotë të rrugëve dhe rrugicave të kësaj pjese periferike, ku banojnë rreth 250 familje, ka nisur në filllim të muajit dhjetor dhe deri tani është realizuar më shumë se1\3 e punimeve.
Janë 3.2 km rrugë të përfshira në këtë project, që vjen si investim i Bashkisë Shkodër me Ministrinë e Ekonomisë.
Banorët e zonës shprehen të kënaqur për realizimin e këtij investime , që e kërkojnë prej vitesh.
Projekti parashikon sistemimin e kanalizimeve të ujërave të bardha dhe të zeza, asfaltimin e të gjitha rrugëve, trotuare dhe ndricim.
Në total, vlera e investimit kap shifrën e rreth 70 milion lekëve të reja dhe kohëzgjatja e punimeve është parashikuar rreth 6 muaj.
