Viti 2023 shënoi një rekord vizitueshmërie të Muzeut Kombëtar të Fotografisë “Marubi” me një numer total prej 19220 vizitorësh (52,7% femra dhe 47,3% meshkuj) shifër kjo 22% më e lartë se në vitin 2022. Krahasuar me vitin 2022, ka një shtim të vizitorëve vendas duke e çuar në 42% të vizitueshmërisë totale.
Ndër vizitorët e huaj të muzeut “Marubi” ashtu si në vitet e mëparshme, vendin e parë e zënë vizitorët nga Italia me 11,1% dhe Franca me 9,8%, të ndjekur nga Gjermania me 8.4% e Holanda me 4%.
Një vend të rëndësishëm në këtë statistikë zënë edhe vizitat e organizuara nga shkollat. Gjatë vitit, në kuadër të vizitave të prenotuara dhe programit të edukimit, muzeu u vizitua nga 1940 nxënës e studentë të institucioneve arsimore në vend, me një vizitueshmëri më të lartë nga shkollat 9-vjeçare.
“Marubi” shkruan se, çdo “vit statistikor” është një moment reflektimi dhe programimi në raport me ofertën ndaj vizitorit të target grupeve e kombësive të ndryshme, për cilësinë e vizitës, për sugjerimet dhe kritikat që evidentohen e analizohen nga pyetesoret ne gjuhen shqipe dhe angleze.
“Përgjatë viteve jemi përpjekur t’ju sjellim ekspozita, biseda, programe edukimi, botime dhe evente të tjera që ndërlidhen patjetër me fotografinë dhe arkivin Marubi, zemrën e institucionit tonë, por gjithmonë vëmendja jonë është tek kultivimi, tek hulumtimi, tek hapja ndaj publikut e tek kujdesi ndaj studiuesve, vizitorëve, nxënësve e studentëve; tek krijimi i dinamikave për krijimin e një hapësire ftuese e cila ruan e promovon trashëgiminë kulturore në qytet e më gjërë”, shkruhet në postimin online të Muzeut Kombëtar të Fotografisë “Marubi”.
Aktualisht në Muzeun “Marubi” qëndron e hapur ekpozita “Gjyqet”, e realizuar në bashkëpunim me Agjencinë Telegrafike Shqiptare (ATSH).
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.