Reshje dëbore në qarkun e Shkodrës / Në segmentin Bogë-Theth qarkullimi kryhet pa probleme

Në aksin Bogë-Theth gjatë natës ka pasur dhe ka aktualisht reshje dëbore. Ndërkohë është duke u punuar me dy mjete për pastrimin e dëborës.Emergjencat Civile bëjnë të ditur se rrugët aktualisht janë të kalueshme, ndërsa  drejtuesit e mjeteve duhet të përdorin gomat dimërore dhe të pajisen me zinxhirë. Sipas ARRSH-së, mjetet borëpastruese janë në terren duke bërë pastrimin e trupit të rrugës nga dëbora. ARRSH njofton se, qarkullimi kryhet pa probleme.“Drejtuesit e mjeteve të pajisen me goma dimërore dhe zinxhirë kur udhëtojnë drejt këtij segmenti me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore”, apelon ARRSH. Si pasojë e reshjeve ka pasur mungesë e energjisë elektrike në disa fshatra të thellë malor, për shkak të amortizimit të rrjetit të energjisë elektrike.