Reshjet e borës zbardhin rrugët e Kosovës, kërkohet kujdes i shtuar

Reshjet e borës zbardhën rrugët e Kosovës mëngjesin e së dielës.

Qendra Kombëtare e Menaxhimit Kufitar njoftoi një ditë më parë se rrugët mbeten të kalueshme.

Megjithatë trafik i rënduar u vërejt të shtunën që në orët e para deri në mbrëmje, duke vështirësuar qarkullimin e duke krijuar një kolonë automjetesh gati 10-kilometërshe deri në Prishtinë.

Ministria e Infrastrukturës dhe Policia e Kosovës apeluan për kujdes të shtuar për shkak të borës por edhe prej temperaturave të ulëta, që shoqërohen me krijime akulli nëpër rrugë.

Nga Instituti Hidrometeorologjik i Kosovës është njoftuar se temperaturat minimale do të prekin 0 gradë Celsius.