Revista britanike “Rest Less” e ka cilësuar Shqipërinë si një vend me bukuri unike dhe plazhe që konkurrojnë lehtësisht me ato të Kroacisë apo Greqisë. Në një shkrim të saj, revista fton udhëtarët që të shijojnë kulturën, historinë dhe jetën e gjatë të këtij vendi, duke e cilësuar si një xhevahir të anashkaluar të Mesdheut që po fillon të shfaqet në kuriozitetin e turistëve të huaj.
Duke e konsideruar një vend larg turmës së turistëve dhe komercializimit masiv, revista britanike shkruan se “plazhet e pacenuara me rërë, malet e larta dhe të thepisura dhe luginat piktoreske janë shtëpia e qyteteve të bukura osmane, rrënojave magjepsëse romake dhe liqeneve tërheqës të kaltër”.
“Ky komb i bukur ballkanik është mrekullisht unik; ndërsa ndikimet greke, italiane dhe turke janë të dukshme, gjuha, zakonet dhe kuzhina e Shqipërisë janë krejtësisht të dallueshme. Kryeqyteti, Tirana, gumëzhin nga jeta dhe bregdeti i Jonit rivalizon atë të Kroacisë dhe Greqisë. Vendasit mikpritës i përshëndesin turistët ngrohtësisht”, shkruan revista.
Vitet e fundit Shqipëria është kthyer në një destinacion mjaft të kërkuar për turistët e huaj dhe shumë media të huaja prestigjioze kanë shkruar për bukuritë e saj që presin të zbulohen.
Malësia e Madhe është një trevë e pasur me bukuri natyrore dhe vlera të trashëgimisë…
Një rrebesh i fortë shiu, i shoqëruar edhe me erë, ka sjellë prani uji në…
Rrebeshet e shiut për rreth 4 orë pa pushim gjatë natës dhe prurjet e shumta…
Stadiumi “Loro Boriçi” do të jetë për rreth një muaj i mbyllur, pasi tapeti i…
U zhvillua sot dita e tretë dhe përmbyllëse e aktivitetit sportiv në kuadër të javës…
Starton sot formati i ri i Europa League, ndërsa nesër në ekranin e Radio Televizionit…
This website uses cookies.