Rikonstruksioni i rrugës “Lamiej” drejt fundit
Punimet për rikonstruksionin e rrugës “Lamiej”, në lagjen “Kiras” të Shkodrës, po shkojnë drejt përfundimit .
Kjo ndërhyrje për banorët është mëse e nevojshme, pasi e gjithë kjo zonë ku jetojnë një numër i lartë banorësh ishte tejet e amortizuar dhe investimet mungonin prej shumë kohësh.
Ndërsa është bërë shtrimi me asfalitn e ri të pjesës më të madhe të këtij segmenti, një pjesë e kësaj rruge, e cila lidh me By Pass-in e Shkodrës, kishte edhe një tjetër problematikë me shkarkimin e ujërave të zeza, ku prej ditësh firma kontraktuese po punon për vendosjen e tubacioneve.
Në këtë rrugë jetojnë një numër i lartë banorësh, të cilët e kanë populluar këtë zonë pas viteve 90, por problem për këtë komunitet prej kohësh, ishte mungesa e investimeve në infrastrukturë.
