Rikonstruktohet ura në Gimaj/ Ura lidh 600 banorë të fshatrave Gimaj dhe Nënmavriq
ura gimaj
Ura që lidh fshatin Gimaj dhe Nënmavriq në njësinë administrative Shalë tashmë është e sigurt për rreth 600 banorët e këtyre fshatrave.
Kryetari i bashkisë së Shkodrës, Benet Beci bashkë me administratorin e njësisë Mikel Kopsaj, panë nga afër punimet që po kryhen për rikonstruksionin e kësaj ure, që ishte kthyer në rrezik për banorët.Një investim i tillë është përgëzuar edhe nga Arqipeshkvi i Dioqezës Shkodër – Pult, Monsinjor Angelo Massafra. Ura, u dëmtua në vitin 2013-të me lende plasëse.
Pavarësisht ndërhyrjeve që janë bërë nga banorë të zonës kjo urë ishte një rrezik i përditshëm për ta. Pas investimit në trasenë e urës do të ndërhyhet edhe në pjesë inxhinjerike me qëllim që kjo urë të plotësojë të gjitha standartet për sigurinë e banorëve të zonës.
