Rikthehet  Festivali i Muzikës Moderne, për tre netë me radhë , performacat në ambient të hapur

Shkodrës i  është rikthyer, pas disa vitesh mungesë, Festivali i Muzikës Moderne.

 Nata e parë e festivalit  startoi në  ambient të hapur, në rrugën e njohur “Gjuhadol “, ku artëdashësit shkodranë , por edhe vizitorë të huaj patën mundësinë të shijonin atmosferën e gjallë të  krijuar nga këngëtarët pjesmarrës.

Drejtuesit e këtij evenimenti  shprehen se , në  Edicionin e  7-të festivalit marrin pjesë  solistë të njohur shkodranë, si dhe këngëtarë nga vende të tjera.

Ndër risitë është pjesmarrja me forma të reja të këngëve nga  ana e formacionit Big Band,  i përbërë prej këngëtarëve më të mirë të Shkodrës.

Festivali i Muzikës Moderne do të vijojë me performancat e këngëtarëve edhe dy netë të tjera në zonën muzeale dhe sheshin para Bashkisë së Shkodrës.