“Ringjallet” frika e përmbytjeve / Fusha e Goricës e rrezikuar si shkak i përroit

Një ndër zonat më problematike në zonën e Nënshkodrës sa i takon përmbytjeve është njësia adminsitrative Ana e Malit.

Për vite me radhë kjo njësi është më e prekura, ku krahas fshatit Obot, Oblik dhe Muriqan, fshati i Goricës dhe fushat e saja janë të parat që perfshihen nga permbytjet

Perreth kodrës ku ngrihen mbi 30 shtëpi të fshatit Goricë, gjithë  sipërfaqja, e cila mbillet me jonxhe, hasull dhe pemtore rrezikohen thuajse çdo vit nga vërshimet e ujrave, ku jo vetëm shkarkimet e hidrocentraleve, por edhe mos pastrimi i kanaleve dhe dalja nga shtrati e përroit ndërkufitar më Malin e Zi përmbyt këtë zonë.

Dhjetra hektarë tokë bujqësore u përmbyten vitin e shkuar për shkak të daljes nga shtrati të përroit të Balvaderit.

Banorët jashtë kamerave thonë se tashmë janë mësuar me këtë situatë dhe janë të pashpresë se diçka mund të ndryshojë.