Rinis puna në rrugën “Myzafer Pipa”/Prej 9 muajsh punimet ishin ndërprerë
bahce cakajve
Rruga “Myzafer Pipa” në lagjen “Kongresi i Përmetit” në Shkodër prej kohësh ishte e lënë në harresë.
Punimet për rikonstruksionin e kësaj rruge u nisën në pranverën e vitit të shkuar, në prag të zgjedhjeve vendore të 14 majit, por që prej asaj kohe punimet u ndërprenë.
Në ditët me reshje e gjithë rruga mbushej me ujë, duke krijuar mjaft vështirësi për banorët për të lëvizur në këtë segment. Pas 9 muajve pritje pak ditë më parë bashkia Shkodër ka ndërhyrë me fondet e veta për rikonstruksionin e rrugës. Ky investim pritet që t’i vijë në ndihmë banorëve të kësaj lagje, ndërsa bashkia Shkodër po vijon punën për përmirësimin e infrastrukturës në rrugët e brendshme të qytetit.
