Riparohet moloja në Zogaj/ U dëmtua nga moti i keq në Liqenin e Shkodrës para disa kohësh

Moloja “Almonit” në fshatin Zogaj është dëmtuar, duke penguar kështu edhe turistët e shumtë që e kanë frekuentuar këtë mol jo vetëm si pikë ankorimi për varkat e lehta, por edhe si qendër rekreacioni.
Ndërkohë ditën e sotme po punohej për riparimin e molos. Molet turistike “Almonit” në liqenin e Shkodrës pritet të krijojnë infrastrukturën e nevojshme për lundrimin turistik në liqen midis Shkodrës – Shirokës – Zogajt dhe Vir Pazarit.
Me këtë investim merr një tjetër dimension zhvillimi i turizmit dhe ekonomia në këto zona dhe krejt territorin e bashkisë Shkodër”.
Ndërtimi i këtyre moleve është një vlerë e shtuar në krijimin e mundësive të reja të bashkëpunimit, në zhvillimin e paketave të integruara turistike midis dy vendeve Shqipërisë dhe Malit të zi.
Molot të cilat janë pjesë e rikualifikimit të liqenit të Shkodrës do të jenë jo vetëm pika për ankorimin e varkave të lehta dhe nxitjes së lundrueshmërisë në liqen, por edhe si qendra rekreacionale në të cilat do të jetë e mundur të zhvillohen aktivitete sportive, kulturore e mjedisore që nxisin turizmin