Ritakohen pas 40 vitesh, ish- maturantët e Artit Figurativ të vitit 1984, ekspozitë në galerinë “Oda”
Galeria “Oda” në Shkodër çeli dyert për ekspozitën më të re me punime pikture në mjediset e saj.
Ajo erdhi e veçantë në formë dhe përmbajtje, sepse të tillë e bënin realizuesit e saj që ishin ish- maturantët e Artit Figurativ të vitit 1984 të shkollës artistike “Prenkë Jakova”.
Ky takim erdhi pas 40 vitesh.
Pjesë e këtij takimi emocionues ishin edhe ish mësues të atij brezi.
Një ngjarje e bukur artistike është kjo ekspozitë për galerinë “Oda”.
Ekspozita tërhoqi interesin dhe vëmendjen e shumë të pranishëmve në të.
