Zinku është një mineral për të cilin kohët e fundit është folur shumë. Rëndësia e rolit të zinkut në shëndet është e lartë, veçanërisht sa i përket mundësisë që ky mineral të shkurtojë kohëzgjatjen e të ftohurës dhe sëmundjeve.
Çfarë është zinku?
Zinku është një mineral thelbësor për shëndetin e njeriut. Pas hekurit, zinku është metali i dytë më i bollshëm në trup.
Ky mineral është shumë i rëndësishëm për sistemin imunitar, formimin e rruazave të bardha të gjakut, pjellorinë, ndarjen e qelizave dhe enzimat. Ushqimet më të pasura me zink janë mishi pa dhjamë dhe frutat e detit.
Mungesa dhe dozat e shumta të zinkut janë problematike për shëndetin. Sasitë e mëdha të këtij minerali mund të pengojnë përthithjen e hekurit dhe bakrit.
A ndihmon zinku kundër të ftohurës
Një analizë e kohëve të fundit e disa studimeve shkencore mbi rolin e zinkut tregoi se ky mineral shkurton kohëzgjatjen e gripit me një ditë. Kjo ndodh nëse zinku merret brenda 24 orësh nga shenjat dhe simptomat e të ftohurës.
E ftohura shkaktohet nga një virus që lulëzon dhe shumohet në rrugët e sipërme të frymëmarrjes. Zinku parandalon shumimin e virusit dhe strehimin e tij në membranat e fytit dhe hundëve.
Zinku është shumë efikas nëse merret në formën e shurupit apo kapsulave që shkrihen në gojë. Kësisoj, lëngu qëndron në zonën e fytit dhe lufton virozat me më efikasitet.
Pavarësisht rolit të zinkut, shkencëtarët nuk kanë paracaktuar një dozë të mirëfilltë efikase të zinkut kundër të ftohurës.
Ushqimet e pasura me zink
Zinkun mund ta gjeni tek drithërat, mishi i viçit, mëlçia e viçit, mishi i gjelit, vezët, bajamet, djathi, fasulet, farat e kungullit, farat e susamit, bizelet, spinaqi dhe kërpudhat.
Po ashtu, tek shega, avokado dhe frutat e pyllit.
Simptomat e mungesës së zinkut
Nëse organizmi ka mungesë të këtij minerali thelbësor atëherë do të përballeni me simptomat e mëposhtme:
-Pika të bardha në thonj
-Psoriazë, ekzemë dhe akne
-Puçra dhe herpes të herëpashershëm
Ftohje të përsëritur
-Zbokth
Malësia e Madhe është një trevë e pasur me bukuri natyrore dhe vlera të trashëgimisë…
Një rrebesh i fortë shiu, i shoqëruar edhe me erë, ka sjellë prani uji në…
Rrebeshet e shiut për rreth 4 orë pa pushim gjatë natës dhe prurjet e shumta…
Stadiumi “Loro Boriçi” do të jetë për rreth një muaj i mbyllur, pasi tapeti i…
U zhvillua sot dita e tretë dhe përmbyllëse e aktivitetit sportiv në kuadër të javës…
Starton sot formati i ri i Europa League, ndërsa nesër në ekranin e Radio Televizionit…
This website uses cookies.