Roli vendimtar i Kryqit të Kuq në luftën mes Izraelit dhe Hamasit

Komiteti Ndërkombëtar i Kryqit të Kuq (KNKK) ka luajtur një rol vendimtar në luftën midis Izraelit dhe Hamasit, duke vepruar si një ndërmjetës neutral në koordinimin e transferimit të fundit të pengjeve në Izrael, si dhe kthimin e palestinezëve nga Izraeli.

Të qenit në vijën e zjarrit është diçka që KNKK-ja është përballur për 160 vitet e fundit – duke qenë e pranishme në pothuajse çdo konflikt dhe krizë globale, duke iu përgjigjur gjithashtu fatkeqësive natyrore si tërmeti i fundit në Afganistan, i cili e përshkoi vendin duke vrarë mijëra njerëz.

“Emergjencat janë të paparashikueshme, kështu që aftësia jonë e vendosjes së shpejtë është jashtëzakonisht e rëndësishme. Ne gjithashtu u përgjigjemi katastrofave në zonat e konfliktit, sepse efektet e një fatkeqësie komplikohen nëse një vend është tashmë në luftë, “tha organizata në një deklaratë në faqen e saj zyrtare të internetit, transmeton CNN. 

Por organizatës i është dashur gjithashtu të mbrohet kundër kritikave javën e kaluar se nuk po bën mjaftueshëm për të ndihmuar pengjet e mbetura në Gaza.