Ronaldo fiton çmimin “Maradona”

Një tjetër trofe i shtohet koleksionit të pafund të trofeve të Cristiano Ronaldos. Portugezi në fakt ka fituar ‘Maradona Award’ si golashënuesi më i mirë në Dubai Globe Soccer Aëards 2023. CR7, me 54 gola në 59 ndeshje në vitin e kaluar, mundi konkurrencën e Kylian Mbappé (52 gola në 53 ndeshje), Harry Kane (52 gola në 57 ndeshje) dhe Erling Haaland (50 gola në 60 ndeshje).

Ronaldo është gjithashtu në garë për “Lojtari më i Mirë i Vitit”, “Lojtari më i Mirë i Lindjes së Mesme” dhe “Lojtari i Preferuar i Tifozëve” në ceremoninë e çmimeve Dubai Globe Soccer Awards, që do të mbahet më 19 janar në Emiratet e Bashkuara Arabe. Raundi i dytë dhe i fundit i votimit në të 11 kategoritë kryesore dhe gjashtë kategoritë dixhitale pa mbi 50 milionë vota nga fansat në mbarë botën. Në total, votat e hedhura kaluan 70 milionë, dyfishi i atyre të regjistruara në vitin 2022.