Ronaldo lavdëron Yamal: Ka shumë talent dhe potencial, shpresoj të ketë edhe fat

Cristiano Ronaldo vazhdon t’i bëjë njerëzit të flasin për të dhe këtë e bën edhe duke folur për të tjerët. Në intervistën e tij të gjatë të publikuar në kanalin e tij në YouTube, portugezi kurorëzoi Lamine Yamal për performancat e tij të fundit:

“Unë shoh shumë talent tek ai. Unë shoh një potencial të madh, ai është një talent i madh. Kur je kaq i ri ke nevojë edhe për fat. Shpresoj që ai të mos dëmtohet. Është në një ambient që mund ta ndihmojë atë të përmirësohet shumë. Edhe ambienti në kombëtaren spanjolle është shumë i mirë për tu përmirësuar. Do të shohim se çfarë ndodh në karrierën e tij. Por mendoj që është një nga lojtarët më të mirë të këtij brezi të ri”.

Lamine Yamal bëri histori pasi luajti kundër Monakos. Sulmuesi i Barcelonës i lindur në vitin 2007 në fakt është bërë lojtari i parë që ka luajtur 11 ndeshje të Ligës së Kampionëve para moshës 18-vjeçare, duke tejkaluar Youri Tielemans, Jude Bellingham dhe Warren Zaïre-Emery (10 secili). Numra të paracaktuar, të cilët konfirmojnë për të disatën herë talentin e rrallë të futbollistit të rritur në “Masia Blaugrana”.