Rregullorja e re për emigrantët në Greqi, shqiptarët do lëvizin me leje qëndrimi deri më 31 dhjetor 2024

Emigrantët shqiptarë do të mund të lëvizin në Greqi përmes lejes së qëndrimit apo vërtetimit se kanë aplikuar për leje qëndrimi nga periudha 31 mars deri më 31 dhjetor 2024.

Vendimi i ri për rregullat e hyrjes apo daljes nga Greqia të shtetasve të huaj me leje qëndrimi është publikuar sot (19 mars) në Fletoren Zyrtare të Greqisë.

Ambasada shqiptare në Greqi sqaron se të gjithë emigrantët shqiptarë do të mund të lëvizin lirish gjatë kësaj periudhe kohore.

“Me Vendimin Nr. 𝟰𝟬𝟬𝟬/𝟯/𝟵𝟴-𝗶𝗯’, publikuar në Fletoren Zyrtare të Qeverisë së Republikës Greke, sot, në datën 𝟭𝟵 𝗺𝗮𝗿𝘀 𝟮𝟬𝟮𝟰, mbi “Daljen dhe rihyrjen e shtetasve të huaj të vendeve të treta me leje qëndrimi, afati i vlefshmërisë së të cilave ka përfunduar dhe të shtetasve të huaj të vendeve të treta që kanë aplikuar për pajisje me leje qëndrimi”, përcaktohet se:

Gjatë periudhës 𝟯𝟭-𝟬𝟯-𝟮𝟬𝟮𝟰 deri më 𝟯𝟭-𝟭𝟮-𝟮𝟬𝟮𝟰, lejohet dalja në një vend të tretë, jashtë shteteve anëtare të shengenit, dhe rihyrja e shtetasve të vendeve të treta që banojnë ligjërisht në Greqi, mbajtës të:

Një vërtetimi të vlefshëm aplikimi për pajisje për herë të parë ose ripajisje me leje qëndrimi, sipas neneve 10 dhe 11 të ligjit nr. 5038/2023 ose

Një vërtetim të vlefshëm të posaçëm të qëndrimit të ligjshëm, sipas nenit 16 të ligjit nr. 5038/2023, me kusht që të dalin nga Greqia brenda periudhës së sipërpërmendur dhe të posedojnë pasaportë të vlefshme ose dokument tjetër udhëtimi të njohur nga Greqia.

Nga ky Vendim përfitojnë të gjithë shtetasit shqiptarë që janë në proces aplikimi për pajisje/ripajisje me leje qëndrimi dhe që posedojnë vërtetimin përkatës”, thuhet në njoftimin e ambasadës.