Një pilot i lartë ukrainas u vra pasi avion luftarak F-16 i prodhuar në SHBA të cilin po drejtonte u rrëzua të hënën (26 gusht), vetëm disa javë pasi avionët e shumëpritur mbërritën në vend.
Forcat e Mbrojtjes së Ukrainës nuk besojnë se pas incidentit qëndron gabimi i pilotit.
Piloti Oleksiy Mes, i njohur si “peshku i hënës”, u vra në përplasje ndërsa “zmbrapsi sulmin ajror më të madh ndonjëherë” nga Rusia kundër Ukrainës, tha burimi, duke shtuar se piloti u varros të enjten.
Përplasja është duke u hetuar dhe ekspertë ndërkombëtarë do të ftohen të marrin pjesë në hetim.
Shtabi i Përgjithshëm i Ushtrisë së Ukrainës tha se disa avionë F-16 u vendosën së bashku me njësitë e raketave anti-ajrore për të luftuar sulmin rus.
“Gjatë afrimit me objektivin tjetër, komunikimi me njërin prej avionëve u humb. Siç doli më vonë, avioni u rrëzua, piloti vdiq”, tha Shtabi i Përgjithshëm në përditësimin.
Vdekja e pilotit është një goditje e madhe për Ukrainën. F-16-ët e parë mbërritën në vend vetëm në fillim të këtij muaji dhe Moonfish ishte një nga pilotët e paktë të trajnuar për t’i fluturuar ato.
Presidenti ukrainas Volodimir Zelenski (Volodymyr Zelensky) tha të martën se Forcat Ajrore të Ukrainës përdorën F-16 për të shkatërruar raketat dhe dronët e lëshuar nga Rusia, hera e parë që ndonjë zyrtar ukrainas konfirmoi se avionët po përdoreshin në luftime.
Duket se aventura e Thiago Mottës në krye të pankinës së Juventusit do të përfundojë…
Askush nuk po bën më mirë se Roma e Ranierit në Evropë: që nga fillimi…
Kalendari i javës së dytë të Kampionatit të Futsallës e ka vendosur ekipin e Vllaznisë…
Historitë frymëzuese të shqiptarëve në diasporë janë shtuar gjithnjë e më shumë vitet e fundit…
Një grup vullnetarësh nga Korpusi i Paqes i SHBA-së, i cili do të angazhohet në…
Pajisja me stola pritës në vendqëndrimet e urbanëve është kërkesa e qytetarëve shkodranë e veçanërisht…
This website uses cookies.