Rritet interesi për sigurimin vullnetar – Viti 2024 ka shënuar rritje të atyre që derdhin kontribute vullnetare për pension
Nga viti në vit, interesi i shkodranëve për të derdhur kontribute vullnetare për sigurimin e një pensioni ka ardhur duke u rritur.
Për vitin 2024, shifrat flasin për thuajse 300 persona që kanë bërë sigurim vullnetar ose rreth 50 më shumë se në vitin 2023.
Si rrjedhojë, në DRSSH Shkodër janë derdhur mbi 35 milionë lekë të ardhura.
Kategoria më e interesuar mbetet ajo në prag të pensionit me qëllim plotësimin e viteve minimale që është 15.
Rritje për sigurimin vullnetar ka patur edhe nga të vetëpunësuarit në bujqësi teksa për vitin 2024 janë regjistruar afërsisht 3400 persona duke krijuar rreth 300 milionë të ardhura.
