Rrjeti elektrik i amortizuar  / Banorët e Dobraçit : Vazhdimisht nuk kemi energji elektrike

Ndërsa është drejt përfundimit rikonstruksioni i rrugës “Isaj” në fshatin Dobraç në Njësinë Administrative Rrethina, duke i ardhur kështu në ndihmë banorëve të kësaj zone, problem për ta mbetet rrjeti i energjisë elektrike që është krejtësisht i amortizuar.

Shtyllat  rrezikojnë të bien dhe telat e korentit  janë shumë poshtë me tokën  dhe nuk kanë asnjë masë sigurie. Përveçse kanë krijuar probleme në furnzimin me energji, janë kthyer edhe në rrezik për jetën e banorëve.

Banorët kërkojnë që institucionet përgjegjëse të ndërhyjnë për të riparuar rrjetin elektrik.

Amortizimi i rrjetit elektrik vijon të jetë një problem jo vetëm në këtë njësi, por edhe në shumë të tjera që bëjnë pjesë në bashkinë e Shkodrës.