Rrjeti elektrik i amortizuar – Banorët e Samrishit të Poshtëm: Qëndrojmë me orë të tëra pa energji elektrike

Mungesa e energjisë elektrike në fshatrat e njësisë administrative të Dajçit në bashkinë e Shkodrës vazhdon të jetë një ndër problematikat kryesore.

Prej disa ditësh, në fshatin “Samrish i Poshtëm” ka probleme të vazhdueshme me energjinë, si pasojë e motit të keq, që ndikon direkt në  rrjetin elektrik të amortizuar në këtë zonë dhe natyrisht mungesës së investimeve prej dekadash të tëra.

Është një rrjet i amortizuar në të gjitha aspektet, shumë problematik.

 Njerëzit shpesh herë ngelin pa energji elektrike, sa herë moti përkeqësohet,  shprehen banorët.

Përgjatë këtij viti, OSHEE ka pranuar se do të bëjë disa investime në fshatrat që kanë problemet më të mëdha me rrjetin elektrik, ndërkohë pritet që koha të tregojë nëse kërkesat dhe problemet e këtyre banorëve do të gjejnë zgjidhje pas shumë dekadash pritjeje.