Rrok Academy: Klasa Junior dhe Classic – 25 gusht, në orën 20:30, pranë Muzeut Historik “Oso Kuka”
Më 25 gusht 2024, në orën 20:30, pranë Muzeut Historik “Oso Kuka” në Shkodër, do të zhvillohet një koncert i veçantë që bashkon studentët më të talentuar të muzikës nga Shkodra, Lezha, Tirana dhe Durrësi. Nën drejtimin e Brixhilda Martinit dhe maestro Paçalin Pavaci, Rrok Academy sjell përformancë muzikore të jashtëzakonshme, me talentët e rinj të klasave Junior dhe Classic.
Kuarteti i Harqeve: Një grup i përbërë nga violinistë do të interpretojnë një përzgjedhje të veprave të kompozitorëve klasikë dhe romantikë si Carl Bohm, Louis Spohr, Mikhail Glinka, Franz Joseph Haydn, Le Carnaval de Venise
Klasa Junior: Orkestra e Harqeve e Rrok Academy, e përbërë nga talente të rinj, do të performojë disa nga kryeveprat e kompozitorëve të mëdhenj: Antonio Vivaldi, Giacomo Puccini, Ottorino Respighi.
Kjo performancë do të shpalosë freskinë dhe pasionin e muzikantëve të rinj, të cilët, nën udhëheqjen e Martinit dhe maestro Pavacit, po bëjnë hapa të rëndësishëm drejt një të ardhmeje të shkëlqyer muzikore.
Ky koncert dëshmon zhvillimin artistik të brezit të ardhshëm të muzikantëve në Shqipëri. E mbajtur në një mjedis të pasur historik, kjo mbrëmje do të përfaqësojë jo vetëm një homazh për traditën muzikore, por edhe një lidhje të fortë midis së shkuarës dhe së ardhmes.
Rrok Academy gjithashtu mbështetet nga partnerë kyç, si Bashkia Shkodër, Ministria e Ekonomisë, Kulturës dhe Inovacionit, Instituti Italian i Kulturës, UCIMR, Thomastik-Infeld Vienna, Go2, Qendra Rinore Atelie, Galeria e Arteve Shkodër, Muzeu Historik Oso Kuka, Radio Televizioni Shqiptar dhe Artcom Studio.
Na bashkohuni për një mbrëmje melodish ndërkulturore!
• Shkodra Jazz Festival (SHJF), nisi në vitin 2005 në kujtim të muzikantit të njohur Rrok Jakaj, si një rrugëtim andrrash që zgjohet çdo ditë ndryshe.
