eskavatoristi
Ky është vendi ku një ditë më parë Zef Përndreu humbi jetën teksa ishte në krye të detyrës. Rrëshqitja e masivit shkëmbor në rrugën Prekal-Kir në Dukagjin bëri që eskavatori ku ndodhej Zef Përndreu të përfundojë rreth 80 metra në humnerë. Rruga Prekal-Kir është në rikonstruksion e sipër. Në disa pjesë të këtij aksi është dashur ndërhyrje për të zgjeruar rrugën përmes eskavatorëve. Në një pjesë të ngushtë të rrugës në tentativë për të shembur masivin shkëmbor, gurë të mëdhenj rrëshqitën në mënyrë të menjëhershme duke spostuar eskavatorin i cili përfundoi në humnerë duke i marrë jetën drejtuesit Zef Përndreu. Banorë të Dukagjinit rrëfejnë se ky aks rrugor edhe tani që është në rikonstruksion vijon që të mbetet rruga e vdekjes. Ndërsa ndjejnë keqardhje për aksidentin me pasojë fatale të eskavatoristit Zef Përndreu. Ndërkohë edhe një eskavator tjetër është i bllokuar nga masivi shkëmbor dhe ky aksident mund të ishte edhe më tragjik por eskavatoristi i dytë shpëtoi për mrekulli duke mos rënë në humnerë. Rruga e Dukagjinit në gjithë këto vite ka marrë afro 80 jetë njerëzish nga aksidentet rrugore. Bashkia Shkodër me mbështetjen e qeverisë nisi rikonstruksionin e 17 kilometrave të aksit Prekal-Kir si një kërkesë e vazhdueshme e banorëve.
Politikanë dhe ekonomistë janë përpjekur që gjatë fushatës presidenciale amerikane të parashikojnë ndikimet e ardhjes…
Gjatë një ceremonie të veçantë të organizuar përpara inaugurimit të Presidentit Donald Trump, një takim…
Teksa vendi është më pak se katër muaj para zgjedhjeve parlamentare të 11 majit, krimet zgjedhore…
Drishti në Bashkinë e Shkodrës njihet për lakrën dhe qepën atutoktone që kultivohen për më…
Qendra Komunitare Shendetit Mendor nuk ka pranuar të zhvendoset pranë poliklinikës së qytetit. Pas rikontruksionit…
Nuk ka të ndalur depozitimi i mbetjeve të ndryshme në brigjet e përroi të Vrakës.…
This website uses cookies.