Rruga “Roza Lejn” drejt ndërtimit – Kryebashkiaku Benet Beci takohet me banorët e zonës
Kryetari i Bashkisë Shkodër Benet Beci, së bashku me anetarë të Këshillit Bashkiak është takuar me banorë të rrugës “Roza Lejn” në lagjen Mark Lula.
Gjatë këtij takimi ka dhënë lajmin që kjo rrugë e harruar prej vitesh do të jetë pjesë e një ndërhyrje për rikonstruksionin e plotë të saj me fondet e Bashkisë Shkodër.
Kryetari i Bashkisë garantoi banorët se kjo rrugë ka qënë në prioritetin e tij qe me nisjen e detyrës si një shqetësim i drejtë i komunitetit.
Rruga “Roza Lejn” përshkohet çdo ditë nga rreth 2000 banorë të zonës , ndërkohë që si pasojë e degradimit dhe mungesës së ndërhyrjes ka pasur edhe aksidente me pasoja për banorët.
Bashkia Shkodër ka bërë gati projektin për rikonstruksionin e plotë të kësaj rruge me kanalizime,asfaltim dhe ndriçim duke përmirësuar infrastrukturën në këtë zonë.
