RTSH në Spotify – Hapat që duhen ndjekur për të gjetur kanalin tonë në platformë

Prej ditësh tashmë, Radio Televizioni Shqiptar ka kanalin e tij në platformën Spotify. Por si mund të futemi dhe të shohim prodhimet e RTSH-së në këtë platformë?

Klikojmë platformën Spotify dhe hapim linkun, ku na shfaqet platforma, shkojmë te kërko dhe shkruajmë RTSH PODCAST, ku na shfaqet logoja e RTSH ndërsa na dalin të gjitha materialet e ngarkuara si radionovelat dhe radiodramatizimet. Mund të klikojmë atë që dëshirojmë të dëgjojmë.

I njëjti proces funksionon edhe për festivalet, ku fillimisht janë ngarkuar këngët e plot atë festivalit te fundit, Fest 62, ndërkohë që në pak ditë do të ngarkohen edhe këngët e 15 festivaleve të fundit.

Ndërkohë duke vizituar mediat tona online do të mund të gjeni linkun përkatës i cili ju fut menjëherë në Spotify edhe në kanalin zyrtar të RTSH, në Youtube mjafton të klikoni linkun e shfaqur.Për herë të parë Radio Televizion Shqiptar ka kanalin e tij në platformën Spotify, teksa të gjithë shqiptarët kudo ku ndodhen, tashmë kanë mundësinë që të shohin të gjitha prodhimet e RTSH, jo vetëm ato aktualet por edhe ato të viteve të kaluara.