Radio Televizioni Shqiptar ka siguruar videon e momentit të arrestimit të Armando Ndrecës, vëllait të deputetit socialist të Lezhës, Eduard Ndreca.
Armando Ndreca u arrestua të mërkurën e 10 prillit nga blutë pranë një servisi në qytetin e Lezhës.
Në video vihet re momenti kur Ndreca, i veshur me një bluzë ngjyrë blu, prangoset nga forcat e policisë.
Eduard Ndreca, së bashku me dy persona të tjerë dyshohet se ishte përfshirë në veprimtarinë kriminale të kultivimit të kanabisit. Në aksionin antidrogë të ndërmarrë të mërkurën, Policia zbuloi në fshatin Kashnjet të Lezhës, një stan të përshtatur për kultivimin e kanabisit.
Në stan ishin mbjellë 2973 bimë kanabis i cili rritej me llamba, ndërsa në të ishin kryer edhe lidhje të paligjshme të energjisë eklektike.
Në pranga përfunduan edhe Armel Nikdukaj, 27 vjeç, Elvis Shpellzai, 28 vjeç, të dy banues në Koplik. Në cilësinë e provës materiale u sekuestrua 2973 bimë narkotike (disa prej tyre fidanë të gatshëm për t’u kultivuar në tokë), një sasi lënde narkotike cannabis sativa, 50 llamba, pajisje ventilimi, sende të tjera që i shërbenin kësaj veprimtarie kriminale dhe 3 celularë.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.