Rusia dënon me 16 vite burg gazetarin amerikan
Gazetari amerikan, Evan Gershkovich është dënuar me 16 vjet burg pasi u shpall fajtor për spiunazh në një gjyq që shihet gjerësisht si i motivuar politikisht.
Gazetari i Wall Street Journal u arrestua dhe u ndalua fillimisht në mars të vitit 2023, pasi Rusia pretendoi se ai kishte “mbledhur informacion sekret” me urdhër të CIA-s.
Prokurorët rusë kishin pretenduar se ai kishte mbledhur informacione sekrete me urdhër të CIA-s për një kompani që prodhon tanke për luftën e Moskës në Ukrainë.
Gazetari i ka mohuar vazhdimisht akuzat dhe në një deklaratë të enjten Wall Street Journal e quajti gjyqin një “mashtrim të turpshëm”.
Uashingtoni akuzon Rusinë se e mban atë si mjet pazaresh, për t’u përdorur për një shkëmbim të mundshëm të të burgosurve me shtetas rusë në burgjet e huaja./ BBC
